Ja ja re tujhe hum jaan gaye

Movie Title:  Sehra

Year of the Movie Release:  1963

Music Director:  Ramlal Hira Panna

Lyrics by:  Hasrat Jaipuri

Co-singers:  Mohammad Rafi

Mood of the Song:  Ched Chad Song

Lyrics of the Song: 

kali kab tak chhupegi ek bhanvare ki nigaah se

chamak jaati hai bijali khud hi in gahari ghataa_o me

baras padati hai shabanam aap hi thandi fizaa_o se

are jaa jaa!

jaa jaa jaa re tujhe ham jaan gaye

kitane paani me ho pahachaan gaye

tum kitane paani me ho pahachaan gaye

jaa jaa jaa re tujhe ham jaan gaye

aa~ kinaare aa ke laharo kaa ishaaraa dekhane vaale

tujhe apani khabar bhi hai nazaaraa dekhane vaale

tamashaa khud na ban jaanaa tamashaa dekhane vaale

jaa jaa

jaa jaa jaa re tujhe ham jaan gaye

aa~ badal kar bhes paravaane kaa shamaa jhilamilaati hai

nashili shaam ke parde me subah muskuraati hai

vo sholaa ho ki chigari machal kar naach jaati hai

to dhadakate dil se mere madabhari aavaaz aati hai

jaa jaa are jaa jaa

jaa jaa jaa re tujhe ham jaan gaye

aa~ shamaa se bach ke rahanaa saari tan man ko jalaa degi

vo sholaa ho ki chigari lagi me aur lagaa degi

subaha jab muskuraayegi to vo tufaan uthaa degi

khulegaa shaam ka pardaa vo tujh ko bhi mitaa degi

jaa jaa

jaa jaa jaa re tujhe ham jaan gaye

aa~ ye kaali reshami zulfe sharaabi nain ke pyaale

ye dil kaa haal kah dete hai dono ye hi matavaale

nahi darate kisi se jit kar bhi haarane vaale

qayaamat ki nazar rakhate hai lekin taadane vaale

jaa jaa

jaa jaa jaa re tujhe ham jaan gaye

aa~ ye zulfe to nahi dasane vaale naag hai kaale

ye do aankhe nahi zahar se bhar_pur hai pyaale

tu aankhe rakh ke bhi behosh hai are taadane vaale

qayaamat saamane hai jaan ke pad jaayege laale

jaa jaa

jaa jaa jaa re tujhe ham jaan gaye

Trivia: